Vdekje aksidentale në Rahovec

Një person ka humbur jetën tragjikisht në Rahovec, i cili ka rënë nga kati i dytë i një shtëpie, në të cilën ishte duke punuar.

Policia rajonale në Prizren ka bërë të ditur se viktima e rastit ka qenë H. Nurshaba (1962), i cili ishte duke punuar në ndërtimin e një shtëpie në rrugën “Xhelal Hajda” dhe në momentet kritike dyshohet se ka rënë në kontakt të rrjetit elektrik, me ç’rast ka rënë në tokë nga kati i dytë i ndërtesës.

I aksidentuari urgjentisht është dërguar në Spitalin Rajonal të Gjakovës, ku mjekët kanë konstatuar vdekjen e tij.

Në vendin e ngjarjes, specialist të KEK-ut dhe hetues rajonal kanë kryer procedurat hetimore.