Vestervele-Beogradit: Pa njohur Kosovën, s’ka BE

“E ardhmja e Ballkanit është anëtarësimi dhe integrimi evropian. Por ne besojmë se një vend do të mund të jetë anëtar i Bashkimit Evropian nëse ka si objektiv bashkëpunimin dhe nëse është i gatshëm të zgjidhë problemet me fqinjët përmes bashkëpunimit”, theksoi ai para shtypit serb në Beograd, pas takimit me kryeministrin Mirko Cvetkoviç.

“Pavarësia e Kosovës tashmë është realitet dhe nuk ka vend për ta mohuar atë”, tha prerë Vestervele, ndërkohë që Beogradi vazhdon ta konsiderojë Kosovën ende provincë serbe.