Vetëm 50% e subjekteve të biznesit të madh, i regjistruar në Dhomën e Tregëtisë.

06/06/2005  Vetëm 50% e subjekteve tregëtare të biznesit që

ushtrojnë aktivitetin në qytetin e Fierit, rezultojnë

të regjistruara për këtë 4 mujor, në Dhomën e

Tregëtisë. Në rreth 400 subjekte juridikë, të

licensuar nga dega e Tatim-Taksave, vetëm 180 janë

anëtarësuar në zyrën e kësaj Dhome, duke e kthyer në

problem të vazhdueshëm aktivitetin normal të saj. Kjo

shifër me nivele ende të ulëta sipas drejtuesve të

Dhomës së Tregëtisë Fier, dhe si pasojë e hendekut që

krijon ligji aktual, që ia atribon Degës së

Tatim-Taksave dhe vjeljen e kontributeve të destinuara

për Dhomën e Tregëtisë. Sipas drejtuesit të Dhomës së

Tregëtisë, Shezai Çobo, anëtarët që paguajnë

rregullisht kontributet dhe që janë të interesuar në

funksionimin e saj, janë biznesi i madh, ku kryesisht

përfshihen ai juridik, prodhues, ndërtues, si dhe

shoqëritë aksionere. Ndërkohë, sekretari i Dhomës së

Tregëtisë për Fierin, Muço Muçaj, shpjegon se me

pajisjen me kartonin e anëtarësimit, lehtësitë janë të

dukshme për çdo biznesmen, duke filluar që nga dhënia

e vizes tregëtare për aktivitet eksportues, jashtë

kufijve shqiptare. Ndërkohë që çdo mall i importuar,

shoqërohet me çertifikatë të origjinës. Nga kjo dhomë

gjithashtu, afrohen mundësitë për prezantim në

panairet kombëtare dhe ndërkombëtare, duke iu afruar

ndërkohë biznesmenëve mundësi përfaqësimi administrative në marrëdhënie me pushtetin vendor.

Irena Mërtiri