Vetëvaret për shkak të papunësisë

 

SHKODER - Papunësia dhe depresioni çojnë në vetëvarje një 40-vjeçar në Malësinë e Madhe. Sipas policisë, Urim Vucaj është gjetur nga i ati i vetëvarur në kasollen e bagëtive. Ngjarja ndodhi dje rreth orës 12:30. Megjithë ndihmën e dhënë, i moshuari nuk ka mundur të shpëtojë jetën e djalit të tij. Sipas policisë, nga hetimet e kryera, viktima dyshohet të ishe vetëvarur disa orë më parë, por askush nga të afërmit e tij nuk e kishte vënë re mungesën e tij në shtëpi. Policia mori në pyetje familjarët e viktimës, të cilët mësohet se kanë deponuar se 40-vjeçari kishte shfaqur prej disa kohësh probleme të dukshme depresive. Sipas tyre, kjo gjendje ishte shkaktuar për shkak të papunësisë dhe kushteve të vështira ekonomike të familjes Vucaj.                                      r.d