Vidhen një milion lekë në banesë
Një milionë lekë të rinj janë vjedhur nga persona ende të paidentifikuar në banesën e shtetasit Beniamin Canaj, banor i lagjes "Kastriot" të qytetit Fier. Policia tha se vjedhja ka ndodhur pasditen e së dielës në një apartament në katin e dytë të një pallati pesëkatësh. Mësohet se personi i dëmtuar është pronar i një biznesi në qytetin e Fierit. Në vendngjarje janë gjetur gjurmë gishtash të vjedhësve.