Vidhet bingoja, policia pa autorë

Vidhet lokali i lojërave të fatit
në qytetin e Peqinit, policia
ende nuk ka bërë të mundur
identifikimin e autorëve të
ngjarjes. Vjedhja ka ndodhur
rreth agimit të së dielës, por
ngjarja është denoncuar vetëm
rreth orës 10 e 30 minuta të po
asaj dite. Sapo është sinjalizuar
për ngjarjen, policia ka shkuar
në qendër të qytetit të Peqinit, ku
është konstatuar se ishte vjedhur
bingoja në pronësi të 38-vjeçarit,
Florenc Hasbajrami, lindur në
Berat dhe banues në Peqin. Grupi
hetimor ka konstatuar se persona
ende të paidentifikuar, pasi kanë
hapur derën e pasme të dyqanit,
janë futur brenda kanë mundur
që me mjete të forta të thyejnë
kasën ku mbaheshin lekët e xhiros.
Mësohet se prej andej janë
marrë rreth njëzetepesëmijë lekë.
Nga ana e policisë po punohet
për identifikimin e kapjen e autorëve
të ngjarjes.