Vidhet natën dyqani i fshatit

Një dyqan i fshatit Lenije në rrethin e Gramshit është vjedhur natën e së dielës nga persona ende të paidentifikuar. Policia lokale njoftoi se dyqani i 26 vjeçarit B. Bardhi është vjedhur me thyerje. Hajdutët kanë shkuar direkt në arkën e dyqanit të artikujve të përzier dhe kanë marrë prej aty 100 mijë lekë të rinj, 15 karta telefoni, si dhe një motosharrë për prerje drush, vlera e së cilës llogaritet në rreth 100 mijë lekë.