Vizat, 23% e kerkesave refuzohen nga ambasadat

Raporti monitorues per qeverine pas nenshkrimit te Marreveshjes se Asociim-Stabilizimit tregon se, gjate vitit te fundit jane refuzuar 23% e kerkesave per pajisjen me vize te shtetasve shqiptare ne ambasadat e huaja te akredituara ne Tirane.

Raporti i ben nje paraqitje punes se Keshillit te Ministrave, duke treguar te "bardhen" dhe te "zezen" per avantazhet dhe dizavantazhet e kabinetit "Berisha".

Per periudhen 1-vjeçare nga tetori i 2007-es ne tetor te 2008-es, shoqerite civile ne bashkepunim me Fondacionin "Soros" i kane bere nje monitorim te veçante çeshtjes se levizjes se lire te qytetareve shqiptare.

Eksperti per çeshtjet politike qe jane bere gjate ketij monitorimi, Ditmir Bushati ka sqaruar se 23% e kerkesave per pajisje me vize jane refuzuar, numer ky qe per momentin eshte me i larte per te gjithe rajonin.

Ne kete menyre, megjithese theksi eshte vendosur gjithmone te levizja e lire nga pala qeveritare, shqiptaret vazhdojne te lihen pas dore dhe te perplasen me qindra burokracira, kur behet fjale per te siguruar nje vize.

Qendra Kombetare e Vizave pritet te krijohet ne fund te vitit 2008-te.