Vizat për në Britani edhe në Prishtinë

Qytetarët e Kosovës nga 12 prilli do të mund të aplikojnë për viza britanike në ambasadën e Britanisë së Madhe në Prishtinë. "Hapja e qendrës për viza demonstron përkushtimin e Britanisë së Madhe për të zhvilluar dhe forcuar marrëdhëniet me Kosovën", thuhet në komunikatën e ambasadës britanike. Formularët do të mund të plotësohen online. Dokumentet e aplikuesve sërish do të dërgohen në Shkup, por qytetarët e Kosovës mund t'i marrin vizat vetëm në Prishtinë.