Vjedh shtëpinë e policit fshihet në mullarin e barit
10/06/2005 Arrestohet nga policia
DURRES - Policia e rajonit të Shijakut ka arrestuar një shtetas nga Rrushkulli, pasi është orvatur të vjedhë shtëpinë e një punonjësi të policisë. Dritan Kondakçiu, 28 vjeç, pasi nuk ka mundur të grabisë sendet, për të cilat kishte hyrë në banesën e shtetasit Xh.Xhafa, në Sukth, të Durrësit, ka lënduar në duar dhe në pjesë të tjera të trupit pjesëtarët e familjes dhe më pas është larguar nga vendi i ngjarjes.
Burime nga policia kanë pohuar se familja e bërë objekt i vjedhjes së Kondakçiut, i dënuar edhe më parë për të njëjtën vepër penale, është e një punonjësi policie në Durrës, ndërkohë që autori ka hyrë në banesë me armë të ftohtë.
Tentativa e tij për të vjedhur shtëpinë e familjes Xhafa është bërë pasditen e së mërkurës, rreth orës 17.00, ndërsa autori i vjedhjes është kapur në mëngjesin e së enjtes në Shijak.
Sipas policisë, 28-vjeçari, i lindur në Manzë të Durrësit dhe banues në Rrushkull, ishte strehuar në një mullar bari në lagjen Kodër Shijak. Në operacionin e policisë janë aktivizuar katër shërbime policie për të kapur vjedhësin e banesës së kolegut të tyre.
Bashkë me ndalimin e shtetasit Dritan Kondakçiu, policia ka sekuestruar edhe thikën, me të cilën plagosi lehtë dy bashkëshortët Xhafa në Sukth. Megjithëse familja e policit, emri i të cilit nuk është bërë i ditur, jetonte me pensionet e prindërve dhe rrogën e policit, vjedhësi e ka vënë në shënjestër të grabitjes me mendimin se do të mund të gjejë sende me vlerë.
Por, ai është diktuar nga të moshuarit, të cilët janë bërë objekt i ndëshkimit nga Kondakçiu. Sipas policisë, bashkëshortët kanë marrë plagë gjatë përleshjes me 28-vjeçarin, i cili ka mundur të largohet nga Sukthi për të përfunduar gjatë gjithë natës nën strehën e një mullari, në lagjen Kodër Shijak. Për të arrestuar autorin, policia ka vënë shpërblim për efektivat në operacion, të cilët kanë mundur ta vënë në pranga Dritan Kondakçiun.
DURRES - Policia e rajonit të Shijakut ka arrestuar një shtetas nga Rrushkulli, pasi është orvatur të vjedhë shtëpinë e një punonjësi të policisë. Dritan Kondakçiu, 28 vjeç, pasi nuk ka mundur të grabisë sendet, për të cilat kishte hyrë në banesën e shtetasit Xh.Xhafa, në Sukth, të Durrësit, ka lënduar në duar dhe në pjesë të tjera të trupit pjesëtarët e familjes dhe më pas është larguar nga vendi i ngjarjes.
Burime nga policia kanë pohuar se familja e bërë objekt i vjedhjes së Kondakçiut, i dënuar edhe më parë për të njëjtën vepër penale, është e një punonjësi policie në Durrës, ndërkohë që autori ka hyrë në banesë me armë të ftohtë.
Tentativa e tij për të vjedhur shtëpinë e familjes Xhafa është bërë pasditen e së mërkurës, rreth orës 17.00, ndërsa autori i vjedhjes është kapur në mëngjesin e së enjtes në Shijak.
Sipas policisë, 28-vjeçari, i lindur në Manzë të Durrësit dhe banues në Rrushkull, ishte strehuar në një mullar bari në lagjen Kodër Shijak. Në operacionin e policisë janë aktivizuar katër shërbime policie për të kapur vjedhësin e banesës së kolegut të tyre.
Bashkë me ndalimin e shtetasit Dritan Kondakçiu, policia ka sekuestruar edhe thikën, me të cilën plagosi lehtë dy bashkëshortët Xhafa në Sukth. Megjithëse familja e policit, emri i të cilit nuk është bërë i ditur, jetonte me pensionet e prindërve dhe rrogën e policit, vjedhësi e ka vënë në shënjestër të grabitjes me mendimin se do të mund të gjejë sende me vlerë.
Por, ai është diktuar nga të moshuarit, të cilët janë bërë objekt i ndëshkimit nga Kondakçiu. Sipas policisë, bashkëshortët kanë marrë plagë gjatë përleshjes me 28-vjeçarin, i cili ka mundur të largohet nga Sukthi për të përfunduar gjatë gjithë natës nën strehën e një mullari, në lagjen Kodër Shijak. Për të arrestuar autorin, policia ka vënë shpërblim për efektivat në operacion, të cilët kanë mundur ta vënë në pranga Dritan Kondakçiun.