Vlore/ Nje 45 vjecar humb jeten nga rryma elektrike

Një 45 vjeçar nga Vlora ka humbur jetën dje në mbrëmje, si pasojë e prekjes së rrymës elektrike.

Sipas policisë, Gazmir Lelaj nga fshati Lezhan, por banor prej disa vitesh në qytetin e Vlorës, u gjet pa jetë nga kalimtarë të rastit, pranë një transfomatori të sistemit të energjisë në afërsi të fshatit Gjorm.

Sipas policisë, në trupin e 45 vjeçarit nuk kishte shenja dhune, por vetëm djegie të duarve, çka ka hedhur dyshimet se shkaku i vdekjes lidhet me kontaktin me rrymën elektrike.

Policia është duke punuar për zbardhjen e rrethanave të vdekjes së Lelajt, ndërkohë që pritet një vlerësim i saktë i ekspertizës.