Vlorë, mbyllen tre pika gazi, tregtonin jashtë rregullave

Vetëm gjatë këtij muaji janë mbyllur në qytetin e Vlorës tre pika të shitjes së gazit të lëngshëm. Mbyllja e tyre është bërë sepse ata shisnin këtë produktet jashtë rregullave të sigurimit teknik duke rrezikuar edhe jetën e banorëve pranë shitoreve të tyre. Burime nga prefektura e qarkut bëjnë me dije se tashmë është hartuar plani dhe është kaluar në zbatimin praktik të kontrollit të të gjitha pikave ku shitet gazi i lëngshëm dhe kësaj radhe nuk do të mjaftohet me vetëm

konstatime për shkelje të rregullave të sigurimit por do të bëhet edhe mbyllja e tyre. Të tre pikat e gazit që janë mbyllur këtë muaj kanë qenë duke shitur këtë produkt në shitore ku shiteshin edhe fruta e perime e ushqime dhe ndërkohë që nuk kishin nxjerrë licencën përkatëse edhe për shitjen e gazit. Në të vërtetë shitore të tilla në qytet janë me dhjetëra dhe shitësit që tregtojnë domate e qepë nuk përtojnë të mbajnë parën edhe dhjetë a më shumë bombola gazi për ti shitur për banorët që jetojnë parën shitoreve të tyre, por njëkohësisht duke qenë edhe rrezik për ta. Një rast i tillë i rrezikshëm ndodhi disa muaj më parë në këtë qytet, në lagjen 1 maji kur një dyqan i tillë mori flakë nga një shkëndijë elektrike dhe duke qenë një barakë me dërrasa rrezikojë gjithë lagjen por falë ndërhyrjes së shpejtë të zjarrfikësve nuk ndodhi fatkeqësia.V,Sako