Vlore, rikthehet mesatarja per te hyre ne universitet

Sonila Isaku
Maturantet te cilet do te perfundojne kete vit studimet ne gjimnaze dhe deshirojne te vazhdojne studimet e larta, nese zgjedhin Universitetin e Vlores duhet te kene nje kriter te forte, mesataren. Per vitin 2010-2011 rektorati i ketij universiteti ka vendosur te riktheje perseri noten mesatare per studentet e vitit te pare.
Vendimi
Nje rregullore e brendshme e hartuar ne Universitetin e Vlores per vitin e ardhshem akademik, detyron maturantet te cilet kane mesatare me te ulet se nota 6 te mos regjistrohen ne kete universitet. Drejtuesit e ketij te fundit kane rikthyer edhe nje here ne fuqi vendimin e pak muajve pari i cili ndezi edhe nje debat deri ne perplasje mes Ministrise se Arsimit dhe Rektoratit te ketij universiteti. "Per pranimet e reja ne Universitetin "Ismail Qemali" te Vlores do te aplikohen kriteret dhe procedurat e meposhtme ku kandidatet duhet te kene mesataren e pergjithshme 6. Kurse per ata kandidate te cilet do te aplikojne per deget e Fakulteti te Shkencave Teknike duhet te kene mesataren e kater viteve te gjimnazit mbi noten shtate" thuhet ne rregulloren e publikuar ne Universitetin e Vlores, por edhe ne faqen zyrtare te tij, ku ne te shumten e rasteve studentet njoftohen per procedurat dhe rregullat e reja qe zbaton ky fakultet. Nderkohe per sa u perket studenteve te cilet duhet te kene mesataren mbi shtate dhe i perkasin Shkencave Teknike duhet tu nenshtrohen edhe disa procedurave te tjera te konkursit ku duhet te fitojne mbi 50 pike nga 100 te mundshmet.
Debati
Kjo rregullore e re ne kete universitet pritet qe te sjelle nje tjeter debat pasi Ministria e Arsimit dhe qeveria eshte duke kembengulur ne liberalizimin e universiteteve kurse Rektorati i Universitet te Vlores rikthen mesatare. Kjo e fundit u be edhe ceshtja e debatit ne shtator te vitit te kaluar kur u shpallen edhe fituesit ne universitete, ku mbi 600 studente nuk mund te regjistroheshin ne kete universitet per shkak te mesatares nen 6. U deshen nderhyrje te forta te Ministrise se Arsimit, rregulla dhe urdheresa qe rektorati te shfuqizonte kete vendim per ta risjelle perseri per pak muaj.
Kriteret e pranimit ne Universitetin e Vlores
Kandidatet duhet te kene mesataren e pergjithshme te pakten 6 (gjashte);
Kandidatet qe aplikojne per pranim ne deget e Fakultetit te Shkencave Teknike duhet te kene mesataren e Matematikes te pakten 7 (shtate);
Kandidatet i nenshtrohen nje provimi matematike qe vleresohet me pike. Nese studenti merr me pak se 50 pike ne 100 te mundshme, ai duhet te frekuentoje dhe te kaloje kursin e Pre-Kalkulus para se te filloje studimet me lendet e programit. Kursi i Pre-Kalkulus eshte nje kurs matematike qe zgjat 1 (nje) semester dhe programi i tij percaktohet nga Departamenti i Matematikes me miratimin e Zv/Rektorit Akademik te Universitetit. Ky eshte nje kurs me kredite, por nuk llogaritet per diplomimin e studentit.