Vojvodina, nga sot është krahinë autonome

Krahina e Vojvodinës ka shpallur sot Kushtetutën e re që i jep autonomi më të madhe legjislative, ekonomike dhe diplomatike nga Beogradi. Nacionalistët serbë e kanë kritikuar vendimin, që më parë ishte miratuar nga Parlamenti i Serbisë, duke e cilësuar atë si "separatist".
Ndërsa përfaqësuesit e krahinës së re autonome e kanë cilësuar vendimin si një zgjidhje të problemeve të centralizimit.
"Centralizimi është vjetëruar dhe nuk na ka sjellë asgjë të mirë në dekadën e shkuar", ka deklaruar Bojan Pajtic, kryetar i qeverisë së Vojvodinës.