Voton Obama: Po përgatitem për të festuar

Chikago (Start)-Kandidati demokrat për president të Shteteve të Bashkuara të Amerikës, Barak Obama ka votuar sot në Chikago. Procesi i votimit për të ka zgjatur rreth pesë minuta. Menjëherë pas daljes nga qendra e votimit, Obama është përshëndetur me zgjedhësit që prisnin në rradhë. Ndërkohë, nëse do të fitojë në zgjedhjet e sotshme, Obama do të mbajë edhe fjalimin përshëndetës në parkun Grant. Biletat për ata që do të marrin pjesë në këtë festim, në tregun e zi janë shitur për mëse 2500 dollarë.