Vrasja e Xhindit, Nishani: S'kam informacione te jete politike

Tirane- Ministri i Brendshem Bujar Nishani, ka deklaruar dje se nuk kishte informacione se vrasja e ish-deputetit te PS-se, Fatmir Xhindi ishte politike. Gjate nje konference per shtyp te zhvilluar ne ambientet e Ministrise ne lidhje me kartat e identitetit, Nishani ka deklaruar se kishte disa pista hetimi. "Dosja hetimore ndodhet ne duart e prokurorise, mesa di une po hetohen disa pista", ka deklaruar dje Nishani. Deputeti socialist Fatmir Xhindi, u vra me 2 maj te 2009 afer baneses se tij ne Roskovec te Fierit. Pas me shume se nje muaj hetimesh, Prokuroria e Krimeve te Renda ne bashkepunim edhe me policine, nuk kane arritur dot te gjejne arsyen e vrasjes se ish-deputetit. Pas disa pistash hetimi, prokuroria eshte duke hetuar pisten e "vrasjes per shkak te cileve te vecanta te tij", apo te ceshtjes personale. Nderkohe qe vete familjaret e viktimes, gjate marrjes se tyre ne pyetje nga oficere te Policise Gjyqesore si dhe prokuroret e ceshtjes, kane deklaruar se vrasja e te afermit te tyre ka ndodhur per motive politike. Keta te fundit nuk kane dhene me shume shpjegime, ne lidhje me dyshimet qe kane hedhur ne organin e hetimit. Ish- deputeti u qellua me "Kallashnikov" prane baneses se tij, nga persona ende te paidentifikuar. Nga hetimet paraprake rezultoi se autori e kishte qelluar Xhindin, fillimisht nga larg dhe me pas nga afer.