Vrau dy bashkëfshatarë, kërkohet dënimi maksimal

Në seancën gjyqësore të zhvilluar dje paradite në Gjykatën e Shkallës së Parë Shkodër është kërkuar burgim i përjetshëm për Ardjan Narkaj, i cili akuzohet për vrasje të dyfishtë. Prokurori i çështjes ka kërkuar dënim maksimal për 40-vjeçarin Narkaj, i cili po gjykohet për vrasjen e Ton Ulaj 28 vjeç dhe Gjegj Shotaj 24 vjeç, nga fshati Bratosh i Malësisë së Madhe. Ngjarja në fjalë daton natën e 8 majit 2008, kur pas një grindjeje të momentit me dy viktimat nga fshati Bratosh, ka qëlluar mbi ta duke i lënë të vdekur. Dy të rinjtë i kishin kërkuar Narkajt t‘i çonte me makinë në një fshat aty afër. Këtu ka nisur debati, që është përshkallëzuar deri në shkëmbim zjarri mes të dy palëve.