Vrau për gjakmarrje, dënohet 25 vjet
10/01/2005 TIRANË – Ndok Gjeka u dënua dje me 25 vite burg. Vrau për gjakmarrje disa kohë më parë dhe menjëherë u zhduk nga vendi i ngjarjes. Prokurori Eugen Beçi, e deklaroi fajtor të pandehurin dhe kërkoi dënimin e tij me 25 vite heqje lirie.
Gjykata
Sipas gjykatës, Ndok Gjeka ka vrarë në vitin 1998 shtetasin Shtjefën Matia. Vrasja ka si motiv gjakmarrjen. Prej kohësh, i pandehuri ka pranuar se ka qenë në gjak me viktimën. Janë nga Lezha. Ndok Gjeka e ka vrarë Shtjefën Matin në afërsi të shtëpisë së tij. Vrasja, sipas vendimit të gjykatës është kryer, pasi i pandehuri e ka ruajtur për ditë të tëra. Është futur në një arë me misër dhe prej andej e ka qëlluar për vdekje. Viktima ka qenë djalë i ri.
Historia
Historinë e kësaj ngjarjeje e ka treguar para gjykatës më e moshuara e fisit të viktimës. Ajo është shprehur se kanë bërë disa herë tentativa për ta ndalur këtë vrasje e për t'u pajtuar, por më kot. Nga ana e tij, i akuzuari për kryerjen e vrasjes ka mohuar gjithçka. Nuk ka mohuar se ka qenë në gjak me familjen e Shtjefën Matisë, por ka mohuar autorësinë. E gjithë hakmarrja ka nisur për një grua. Shtjefën Matia, një ditë ka qenë i dehur. Pa dashur ai ka vrarë motrën e të pandehurit. Viktima, në gjendje të dehur, ka hedhur një granatë dhe nga shpërthimi ai ka humbur dhe njërën dorë. Por familja e Ndok Gjekës nuk ia fali këtë gjë viktimës. Megjithëse familja e viktimës bëri disa herë përpjekje për të mos vazhduar gjakmarrjen, duke thënë se vrasja ishte kryer aksidentalisht, i pandehuri nuk e pranoi një fakt të tillë.
Prita
Nëna e viktimës u shpreh para gjykatës se, disa herë e ka parë të pandehurin Ndok Gjeka dhe nipin e tij, në arat e familjes. Edhe ditën e vrasjes, i pandehuri Ndok Gjeka ka qëndruar i fshehur në arën me misër, pranë shtëpisë së viktimës. Ata kanë pritur aty deri sa viktima ka dalë nga shtëpia, e kanë qëlluar dhe më pas janë larguar pa lënë gjurmë. Sipas vendimt të gjykatës, i akuzuari Gjeka gjendet fajtor për krimin e vrasjes dhe për këtë arsye ai duhet të vuaj dënimin me 25 vite heqje lirie. Avokati i marrë nga Gjeka, ka kundërshtuar me të gjitha mënyrat si akuzën, ashtu edhe provat e sjella prej saj, por në fund, argumentet e tij u quajtën të pabazuara. Vetë të pandehurin e ka njohur në gjykatë, nëna e viktimës, e cila ka treguar me hollësi se si morën disa herë mundimin për të shmangur gjakmarrjen.
Gjykata
Sipas gjykatës, Ndok Gjeka ka vrarë në vitin 1998 shtetasin Shtjefën Matia. Vrasja ka si motiv gjakmarrjen. Prej kohësh, i pandehuri ka pranuar se ka qenë në gjak me viktimën. Janë nga Lezha. Ndok Gjeka e ka vrarë Shtjefën Matin në afërsi të shtëpisë së tij. Vrasja, sipas vendimit të gjykatës është kryer, pasi i pandehuri e ka ruajtur për ditë të tëra. Është futur në një arë me misër dhe prej andej e ka qëlluar për vdekje. Viktima ka qenë djalë i ri.
Historia
Historinë e kësaj ngjarjeje e ka treguar para gjykatës më e moshuara e fisit të viktimës. Ajo është shprehur se kanë bërë disa herë tentativa për ta ndalur këtë vrasje e për t'u pajtuar, por më kot. Nga ana e tij, i akuzuari për kryerjen e vrasjes ka mohuar gjithçka. Nuk ka mohuar se ka qenë në gjak me familjen e Shtjefën Matisë, por ka mohuar autorësinë. E gjithë hakmarrja ka nisur për një grua. Shtjefën Matia, një ditë ka qenë i dehur. Pa dashur ai ka vrarë motrën e të pandehurit. Viktima, në gjendje të dehur, ka hedhur një granatë dhe nga shpërthimi ai ka humbur dhe njërën dorë. Por familja e Ndok Gjekës nuk ia fali këtë gjë viktimës. Megjithëse familja e viktimës bëri disa herë përpjekje për të mos vazhduar gjakmarrjen, duke thënë se vrasja ishte kryer aksidentalisht, i pandehuri nuk e pranoi një fakt të tillë.
Prita
Nëna e viktimës u shpreh para gjykatës se, disa herë e ka parë të pandehurin Ndok Gjeka dhe nipin e tij, në arat e familjes. Edhe ditën e vrasjes, i pandehuri Ndok Gjeka ka qëndruar i fshehur në arën me misër, pranë shtëpisë së viktimës. Ata kanë pritur aty deri sa viktima ka dalë nga shtëpia, e kanë qëlluar dhe më pas janë larguar pa lënë gjurmë. Sipas vendimt të gjykatës, i akuzuari Gjeka gjendet fajtor për krimin e vrasjes dhe për këtë arsye ai duhet të vuaj dënimin me 25 vite heqje lirie. Avokati i marrë nga Gjeka, ka kundërshtuar me të gjitha mënyrat si akuzën, ashtu edhe provat e sjella prej saj, por në fund, argumentet e tij u quajtën të pabazuara. Vetë të pandehurin e ka njohur në gjykatë, nëna e viktimës, e cila ka treguar me hollësi se si morën disa herë mundimin për të shmangur gjakmarrjen.