Vritet deputeti i PS-së
Vritet në një atentat me armë zjarri deputeti i Partisë Socialiste, Fatmir Xhindi. Ngjarja ka ndodhur dje rreth orës 21:40 në periferi të qytetit të Roskovecit, ku banonte deputeti i PS-së, i zgjedhur për tri legjislatura në zonën 68, ku është edhe vendbanimi i tij.
Policia ka qenë shumë e rezervuar në të dhënat për rrethanat e vrasjes së deputetit 49-vjeçar. Ajo që është thënë zyrtarisht dje në mbrëmje është fakti që deputeti është vrarë pranë shtëpisë së tij me automatik kallashnikov.
Burime nga vendi i ngjarjes bëjnë të ditur se Xhindi është qëlluar nga mbrapa sapo ka zbritur nga makina, në derën e shtëpisë së tij në Roskovec.
Familjarët, që dëgjuan krismat, kanë dalë menjëherë dhe e kanë transportuar Xhindin për në spitalin e Fierit, por deputeti ka ndërruar jetë rrugës, për shkak të plagëve të shumta të shkaktuara nga plumbat.
Deputeti ka mbërritur pa jetë në spitalin e Fierit. Mjekët aty thanë se numri i plumbave që kishin prekur trupin e tij ishte i madh.
Të afërm të të ndjerit, që e shoqëruan atë për në spitalin e Fierit, thanë se deputeti po kthehej nga disa takime elektorale në fshatrat Verbas dhe Kurjan të Rrethit të Fierit. Kjo konfirmohet edhe nga deputeti socialist Albert Çaçi, i cili ka qëndruar dje pranë familjes së viktimës.
Lajmi për vrasjen e deputetit ka ngritur në këmbë të gjitha strukturat e Partisë Socialiste në Fier. Të gjithë anëtarët e kryesisë së degës së PS-së Fier, si dhe dhjetëra simpatizantë të kësaj force politike janë mbledhur dje në spitalin e Fierit bashkë me familjarët e deputetit të vrarë. Situata në spital është tensionuar pasi është mësuar se deputeti kishte ndërruar jetë.
Drejt Roskovecit është nisur menjëherë pas njoftimit për ngjarjen kryetari i Partisë Socialiste, Edi Rama. Drejt Roskovecit është nisur disa minuta më vonë edhe Kryetarja e Kuvendit, Jozefina Topalli.
Nga ana tjetër, Policia e Shtetit ka angazhuar me hetimin e kësaj ngjarjeje të rëndë disa nga drejtuesit e saj më të lartë. Mësohet se në krye të grupit që është nisur për në Roskovec ka qenë nëndrejtori i përgjithshëm i Policisë, Agron Kuliçi.
Forca të shumta policore kanë rrethuar shumë shpejt shtëpinë e Fatmir Xhindit, në unazën e Roskovecit. Nga përtej "murit" të policëve mund të shihej dje makina e deputetit, me derën e shoferit të hapur. Në tokë, pranë derës së shtëpisë shiheshin piketat e vendosura nga policia, për të shënuar vendndodhjen e trupit dhe shenjat e plumbave apo gëzhojat. Nga kjo skenë e krimit kuptohet se deputeti ka zbritur nga makina për të hapur derën e madhe të oborrit dhe aty është qëlluar nga mbrapa me armë zjarri automatike. Sipas burimeve të pakonfirmuara nga policia, deputeti është qëlluar nga një distancë e afërt dhe atentati është kryer nga më shumë se një person. Sipas këtyre burimeve, një makinë e ka ndjekur nga mbrapa makinën e deputetit, pa u vënë re dhe në momentin që ai ka zbritur për të hapur portën, edhe personat që ndodheshin në makinën që e ndiqte kanë zbritur, kanë hapur zjarr dhe janë larguar me shpejtësi.
Policia nuk ka dhënë dje asnjë informacion zyrtar për ngjarjen, përveç faktit që deputeti u vra. Policia ka përdorur qentë për të ndjekur gjurmët e vrasësve, të cilët ende nuk janë zbuluar.
Vrasja e deputetit të Partisë Socialiste, Fatmir Xhindi, 57 ditë përpara zgjedhjeve parlamentare pritet të tensionojë fushatën elektorale. Deri në mbrëmje vonë, vetëm të afërmit e deputetit të vrarë kanë ngritur dyshime për motive politike të vrasjes, ndërsa PS-ja është treguar e kujdesshme. Ndërkaq, situata në qytetin e Roskovecit ka qenë shumë e tensionuar.
Ky është rasti i dytë në historinë postkomuniste të Shqipërisë, kur një anëtar i Parlamentit vritet në atentat. Më 12 shtator të vitit 1998, në Tiranë, pranë selisë së Partisë Demokratike, u vra deputeti Azem Hajdari.
Jetëshkrimi
Fatmir Faslli Xhindi
Të dhëna vetjake
Datëlindja: 1.4.1960
Vendlindja: Fier
Ishte i martuar dhe kishte tre fëmijë
Edukimi
Universiteti "Eqerem Çabej", Fakulteti Histori-Gjeografi, dega Histori, Gjirokastër - 1986
Universiteti i Tiranës, Fakulteti Juridik - 2003
Master për Shkencat Penale pranë Fakultetit të Drejtësisë - 2005
Veprimtaria profesionale
1986-1989: Mësues historie në Vlosh, Fier; drejtor i Shkollës së Mesme të Bashkuar Kurjan, Fier.
Veprimtaria politike
2005: Deputet i PS-së
1991: Anëtar i PS-së
1989-1991: Kryetar i Këshillit të Bashkuar Kurjan, Fier
1992-1996: Kryetar i Komunës Kurjan, Fier
1996 e vazhdim: anëtar i Kryesisë së PS-së, Fier; anëtar i Këshillit Socialist të Qarkut e Fierit; anëtar i Komisionit për Pushtetin Vendor pranë KPD-së të PS-së
Komisioni hetimor "Mbi përgjimet e paligjshme të telefonave", anëtar
Zgjedhur në:
Legjislatura: XVII
Zona zgjedhore: 68
Qarku: Fier
Nr. i votave: 6708
Përqindja: 45%
Grupi dhe Komisionet parlamentare:
Grupi parlamentar: PS
Komisioni parlamentar: Komisioni për Veprimtarinë Prodhuese, Tregtinë dhe Mjedisin, anëtar
Ishte një nga tre deputetët e PS-së që u përplasën me efektivë të Gardës së Republikës, të cilët nuk u lejuan hyrjen në sallën e Parlamentit
Pas viteve ‘90, Xhindi është deputeti i dytë që vritet, pas ekzekutimit të deputetit të Partisë Demokratike, Azem Hajdari, më 12 shtator të vitit 1998
Policia ka qenë shumë e rezervuar në të dhënat për rrethanat e vrasjes së deputetit 49-vjeçar. Ajo që është thënë zyrtarisht dje në mbrëmje është fakti që deputeti është vrarë pranë shtëpisë së tij me automatik kallashnikov.
Burime nga vendi i ngjarjes bëjnë të ditur se Xhindi është qëlluar nga mbrapa sapo ka zbritur nga makina, në derën e shtëpisë së tij në Roskovec.
Familjarët, që dëgjuan krismat, kanë dalë menjëherë dhe e kanë transportuar Xhindin për në spitalin e Fierit, por deputeti ka ndërruar jetë rrugës, për shkak të plagëve të shumta të shkaktuara nga plumbat.
Deputeti ka mbërritur pa jetë në spitalin e Fierit. Mjekët aty thanë se numri i plumbave që kishin prekur trupin e tij ishte i madh.
Të afërm të të ndjerit, që e shoqëruan atë për në spitalin e Fierit, thanë se deputeti po kthehej nga disa takime elektorale në fshatrat Verbas dhe Kurjan të Rrethit të Fierit. Kjo konfirmohet edhe nga deputeti socialist Albert Çaçi, i cili ka qëndruar dje pranë familjes së viktimës.
Lajmi për vrasjen e deputetit ka ngritur në këmbë të gjitha strukturat e Partisë Socialiste në Fier. Të gjithë anëtarët e kryesisë së degës së PS-së Fier, si dhe dhjetëra simpatizantë të kësaj force politike janë mbledhur dje në spitalin e Fierit bashkë me familjarët e deputetit të vrarë. Situata në spital është tensionuar pasi është mësuar se deputeti kishte ndërruar jetë.
Drejt Roskovecit është nisur menjëherë pas njoftimit për ngjarjen kryetari i Partisë Socialiste, Edi Rama. Drejt Roskovecit është nisur disa minuta më vonë edhe Kryetarja e Kuvendit, Jozefina Topalli.
Nga ana tjetër, Policia e Shtetit ka angazhuar me hetimin e kësaj ngjarjeje të rëndë disa nga drejtuesit e saj më të lartë. Mësohet se në krye të grupit që është nisur për në Roskovec ka qenë nëndrejtori i përgjithshëm i Policisë, Agron Kuliçi.
Forca të shumta policore kanë rrethuar shumë shpejt shtëpinë e Fatmir Xhindit, në unazën e Roskovecit. Nga përtej "murit" të policëve mund të shihej dje makina e deputetit, me derën e shoferit të hapur. Në tokë, pranë derës së shtëpisë shiheshin piketat e vendosura nga policia, për të shënuar vendndodhjen e trupit dhe shenjat e plumbave apo gëzhojat. Nga kjo skenë e krimit kuptohet se deputeti ka zbritur nga makina për të hapur derën e madhe të oborrit dhe aty është qëlluar nga mbrapa me armë zjarri automatike. Sipas burimeve të pakonfirmuara nga policia, deputeti është qëlluar nga një distancë e afërt dhe atentati është kryer nga më shumë se një person. Sipas këtyre burimeve, një makinë e ka ndjekur nga mbrapa makinën e deputetit, pa u vënë re dhe në momentin që ai ka zbritur për të hapur portën, edhe personat që ndodheshin në makinën që e ndiqte kanë zbritur, kanë hapur zjarr dhe janë larguar me shpejtësi.
Policia nuk ka dhënë dje asnjë informacion zyrtar për ngjarjen, përveç faktit që deputeti u vra. Policia ka përdorur qentë për të ndjekur gjurmët e vrasësve, të cilët ende nuk janë zbuluar.
Vrasja e deputetit të Partisë Socialiste, Fatmir Xhindi, 57 ditë përpara zgjedhjeve parlamentare pritet të tensionojë fushatën elektorale. Deri në mbrëmje vonë, vetëm të afërmit e deputetit të vrarë kanë ngritur dyshime për motive politike të vrasjes, ndërsa PS-ja është treguar e kujdesshme. Ndërkaq, situata në qytetin e Roskovecit ka qenë shumë e tensionuar.
Ky është rasti i dytë në historinë postkomuniste të Shqipërisë, kur një anëtar i Parlamentit vritet në atentat. Më 12 shtator të vitit 1998, në Tiranë, pranë selisë së Partisë Demokratike, u vra deputeti Azem Hajdari.
Jetëshkrimi
Fatmir Faslli Xhindi
Të dhëna vetjake
Datëlindja: 1.4.1960
Vendlindja: Fier
Ishte i martuar dhe kishte tre fëmijë
Edukimi
Universiteti "Eqerem Çabej", Fakulteti Histori-Gjeografi, dega Histori, Gjirokastër - 1986
Universiteti i Tiranës, Fakulteti Juridik - 2003
Master për Shkencat Penale pranë Fakultetit të Drejtësisë - 2005
Veprimtaria profesionale
1986-1989: Mësues historie në Vlosh, Fier; drejtor i Shkollës së Mesme të Bashkuar Kurjan, Fier.
Veprimtaria politike
2005: Deputet i PS-së
1991: Anëtar i PS-së
1989-1991: Kryetar i Këshillit të Bashkuar Kurjan, Fier
1992-1996: Kryetar i Komunës Kurjan, Fier
1996 e vazhdim: anëtar i Kryesisë së PS-së, Fier; anëtar i Këshillit Socialist të Qarkut e Fierit; anëtar i Komisionit për Pushtetin Vendor pranë KPD-së të PS-së
Komisioni hetimor "Mbi përgjimet e paligjshme të telefonave", anëtar
Zgjedhur në:
Legjislatura: XVII
Zona zgjedhore: 68
Qarku: Fier
Nr. i votave: 6708
Përqindja: 45%
Grupi dhe Komisionet parlamentare:
Grupi parlamentar: PS
Komisioni parlamentar: Komisioni për Veprimtarinë Prodhuese, Tregtinë dhe Mjedisin, anëtar
Ishte një nga tre deputetët e PS-së që u përplasën me efektivë të Gardës së Republikës, të cilët nuk u lejuan hyrjen në sallën e Parlamentit
Pas viteve ‘90, Xhindi është deputeti i dytë që vritet, pas ekzekutimit të deputetit të Partisë Demokratike, Azem Hajdari, më 12 shtator të vitit 1998