Withers: Shqipëria ende probleme me të drejtat e njeriut

Deklaratat e tij u bënë në Konferencës Kombëtare “Situata e të Drejtave të Njeriut në Shqipëri për vitin 2009”, ku ishin të pranishëm aktorët e shoqërisë civile, të cilët punojnë drejtpërdrejt ose indirekt me të drejtat e njeriut në Shqipëri.

Sipas tij në vijim, “Korrupsioni ende mbetet një çështje e hapur në Shqipëri, ashtu si edhe pavarësia e gjyqësorit, një tjetër çështje që ne e konsiderojmë si të rëndësishme”, theksoi Withers.“Gjithashtu,- tha Withers- liria e medias dhe trafikimi i qenieve njerëzore, janë dy çështje të ngritura në raportin amerikan për të drejtat e njeriut, për Shqipërinë”.

Më tej, ai  u ndal në veçanti te diskriminimi racor ndaj komunitetit rom, që për shtetin amerikan që ai përfaqëson në Tiranë “është ende i dukshëm, por edhe diskriminimin ndaj personave homoseksualë”, për të cilët sipas Withers “përgëzojmë Kryeministrin për sipërmarrjen e fundme ligjore”.