Xhaferri : Askush nuk e ndalon dot Kuvendin të hetojë
Partia Demokratike vazhdon me insistimin e saj se do t‘i shkojë deri në fund ngritjes së një komisioni hetimor për kryebashkiakun e Tiranës. Përgjigjja e prerë e deputetit demokrat, Ferdinand Xhaferri, për deklaratat e opozitës, ishte se "askush dhe asgjë nuk do ta frenojë hetimin e Edi Ramës për 19 lejet e mbledhjes së fundit të Këshilli të Rregullimit të Territorit të Tiranës".
Partia Demokratike deklarohet e vendosur t‘i shkojë deri në fund komisionit hetimor për kryesocialistin, që, sipas saj, është në përputhje të plotë me Kushtetutën. "Askush nuk mund të dalë mbi Kuvendin e Shqipërisë dhe askush nuk mund ta ndalojë Kuvendin e Shqipërisë për të ushtruar pushtetin e tij që buron nga vullneti i qytetarëve. Pra, Kuvendi i Shqipërisë, në zbatim të pushtetit të vet sovran do të hetojë si është zbatuar ligji për urbanistikën nga Edi Rama", tha sekretari i marrëdhënieve me publikun në PD, Ferdinand Xhaferri. Sipas tij, "Edi Rama, në konflikt interesi, në mënyrë monopoliste dhe klienteliste ka gllabëruar paratë e qytetarëve të Tiranës dhe nuk ka shpëtim. Kuvendi i Shqipërisë do të hetojë Edi Ramën". Pak ditë më parë, 40 deputetë të mazhorancës depozituan në Kuvend firmat për komisionin e dytë hetimor për kryebashkiakun e Tiranës. Partia Demokratike është në pritje të konferencës të kryetarëve për të përcaktuar edhe datën se kur do të nisë nga puna komisioni hetimor "Rama 2".
Partia Demokratike deklarohet e vendosur t‘i shkojë deri në fund komisionit hetimor për kryesocialistin, që, sipas saj, është në përputhje të plotë me Kushtetutën. "Askush nuk mund të dalë mbi Kuvendin e Shqipërisë dhe askush nuk mund ta ndalojë Kuvendin e Shqipërisë për të ushtruar pushtetin e tij që buron nga vullneti i qytetarëve. Pra, Kuvendi i Shqipërisë, në zbatim të pushtetit të vet sovran do të hetojë si është zbatuar ligji për urbanistikën nga Edi Rama", tha sekretari i marrëdhënieve me publikun në PD, Ferdinand Xhaferri. Sipas tij, "Edi Rama, në konflikt interesi, në mënyrë monopoliste dhe klienteliste ka gllabëruar paratë e qytetarëve të Tiranës dhe nuk ka shpëtim. Kuvendi i Shqipërisë do të hetojë Edi Ramën". Pak ditë më parë, 40 deputetë të mazhorancës depozituan në Kuvend firmat për komisionin e dytë hetimor për kryebashkiakun e Tiranës. Partia Demokratike është në pritje të konferencës të kryetarëve për të përcaktuar edhe datën se kur do të nisë nga puna komisioni hetimor "Rama 2".