Xhoni Dip, aktori zgjidhet për herë të dytë, mashkulli më seksi
E kush e tha që Robert Patinson na qenka mashkulli më seksi në botë? Disa ditë më parë u bë publik lajmi që revista prestigjioze i dha këtë çmim, megjithatë fituesi i vërtetë është Xhoni Dip.
Zërat se ylli i “Twilight” ishte klasifikuar i pari ishte të rreme, femrat preferojnë meshkujt e pjekur dhe jo ata të gjeneratës së re, të cilët kryesisht preferohen nga adoleshentet. Xhoni shpallet për herë të dytë si mashkulli më magjepsës i planetit, për herë të parë ai u nderua me këtë çmim në vitin 2003 dhe është aktori i tretë që merr dy herë të njëjtin çmim: deri tani këtë e kishin arritur vetëm Xhorxh Kluni dhe Bred Pit. Një zëdhënës i revistës ka thënë se Dip, baba i dy fëmijëve, me 46 vjetët mbi shpinë, mbretëron akoma si një ikonë e parezistueshme në Hollivud dhe më gjerë. Në këtë klasifikim renditen edhe Rajan Rejnolds, Xhek Gillenhal, Bredli Koper, Giles Morini, Nik Kanon, Kris Doherti dhe Robert Dounei Jr.
20 Nentor 2009