Zarate pranë shitjes

Sulmuesi Sergio Zarate duket të jetë në prag të largimit nga Lazio pasi nuk ishte pjesë e ekipit në fitoren 6-0 ndaj Rabotnickit në kualifikime për Europa League.

Argjentinasi ishte në tribuna duke sugjeruar se klubi planifikon shitjen e tij para përmbylljes së afatit kalimtar të verës. Së fundmi është spekuluar se Zarate kërkohet nga Arsenali.

“Zarate është futbollist i rëndësishëm për ne. Por, nëse ndodh diçka prej tani deri në fund të afatit kalimtar ne do ti vlerësojmë gjërat”, tha drejtori sportiv i Lazios, Igli Tare.