Zgjedhjet,Meta letër zyrtarëve të SHBA-së:Monitoroni zgjedhjet

Kryetari i LSI-së, Ilir Meta i ka dërguar një letër zyrtarëve të SHBA-së lidhur me zgjedhjet e qershorit në Shqipëri duke kërkuar monitorim në mënyrë që të realizohen zgjedhje demokratike. Në këtë letër, Meta shpreh shqetësim për angazhimin e qeverisë për zgjedhjet e ardhshme. "Jemi të shqetësuar për zgjedhje të lira dhe demokratike në vend", shkruhet në letrën e Metës. Meta i ka kërkuar zyrtarëve të SHBA-së, që ky vend të dërgojë sa më shumë vëzhgues për zgjedhjet në Shqipëri. "Është shumë e rëndësishme që këto zgjedhjet të jenë të lira dhe të ndershme dhe të plotësojnë standardet. Ndaj është thelbësore që të monitorohen", shkruan Meta. Kjo letër i është dërguar anëtarëve të Departmanentit Amerikan të Shtetit, anëtarëve të Kongresit Amerikan, anëtarëve të Departamentit të Tregëtisë në SHBA si dhe ambasadorit të Shqipërisë në SHBA.