Zhduket studentja e Infermierise, denoncon familja

Studentja e Infermierise zhduket nga shtepia, pa lene asnje adrese. Sot behet dita e trete qe 27-vjecarja Entela Myrtaj figuron e humbur, ndersa dje babai i saj, ish-polic, ka denoncuar ne Komisariatin nr. 1 ngjarjen. Burime te policise thane dje se dyshohet qe vajza te kete pasur konflikte me familjen kohet e fundit, ndersa gjendja e saj mund te jete shoqeruar nga momente depresive. Ndersa gjate perpjekjeve per t'u lidhur me te, telefoni celular ka rezultuar i fikur. Burime policore kane bere te ditur se denoncimi eshte bere po diten e ngjarjes. Sipas te dhenave, familjaret te marre ne pyetje kane deklaruar se Entela Myrtaj eshte larguar nga shtepia qe ne mengjes per te shkuar ne Fakultetin e Infermierise, ku vazhdon studimet ne vitin e pare, qe e kishte njekohesisht edhe fakultetin e dyte, por nuk eshte kthyer me. Familjaret shprehen se kontakti i fundit qe kane pasur me vajzen e re ka qene rreth ores 09:00 te mengjesit te se premtes. Ajo ka biseduar me te emen dhe i ka thene se ishte nisur per ne shkolle. Ata kane shtuar se nuk kane pasur konflikte me te. Prej atij momenti, Entela nuk ka komunikuar me me familjen, kurse telefoni celular rezulton i fikur. Prinderit e studentes thone se vajza ishte pak e stresuar kohet e fundit. Ne momentin qe ka dale nga shtepia, vajza kishte veshur nje xhakete gri, pantallona xhins dhe nje golf te kuq. Deri ne oret e vona te mbremjes se djeshme nuk dihej asgje rreth fatit te studentes se infermierise.
A.C