Zhvlerësohet ekonomia hungareze

Norma e kreditimit të qeverisë hungareze u reduktua ditën e premte prej agjensisë së specializuar “Moody”, si rezultat i nivelit të lartë të borxhit dhe perspektivave të këqija të rritjes.

Budapesti zyrtar e cilësoi kompaninë e specializuar të vlerësimeve si një “instrument”, në sulmet financiare që po kryhen kundër vendit.

Më parë gjatë javës, kompania tjetër e vlerësimit, “Standard & Poor”, deklaroi se do të presë deri në mbylljen e bisedimeve të autoriteteve me BE-në dhe FMN-në, përpara se të publikojë një raport zyrtar.

Në fillim të nëntorit, Budapesti u shpreh se qeveria do të kërkojë ndihmë këshilluese nga Bashkimi Europian, por hodhi poshtë spekulimet se ka nevojë për një hua madhore.

Ministri Hungarez i Financave komentoi pas vendimit të “Moody” se: “Reduktimi i vlerësimit të ekonomisë sonë është i pabazë. Pavarësisht vështirësive të jashtme, në dy vitet e fundit janë regjistruar ndryshime pozitive në të gjithë ekonominë hungareze, ndryshime të njohura edhe nga institucionet ndërkombëtare”.

”Moody” reduktojë vlerësimin për borxhin hungarez nga B-AAA, në B-A. Në vitin 2008, Hungarisë iu akordua nga Bashkimi Europian një kredi në dispozicion për t’u shfrytëzuar prej 20 miliardë eurosh, por Kryeminjistri Viktor Orban vendosi që të mos rinovonte marrëveshjen.