Zjarr në një çerdhe, dyshohet për shkëndjë

Një zjarr i papritur ka rënë
mëngjesin e djeshëm
në një nga çerdhet e Tiranës,
por fatmirësisht nuk ka pasur
fëmijë brenda. Ngjarja ka
ndodhur që në mëngjes herët
dhe është dashur ndërhyrja e
dy zjarrfikëseve për të shuar
flakët. Burimet zyrtare nga
Drejtoria e Policisë së Tiranës
bënë të ditur se ngjarja
është njoftuar në orën 07:45
nga të pranishmit në vendngjarje,
të cilët kanë deklaruar
se ka rënë zjarr
te çerdhja nr.
13, e cila ndodhet
në rrugën
"Bardhyl", në
krah të njësisë
bashkiake nr .3
të Tiranës. Me
t‘u njoftuar,
në vendin e
ngjarjes kanë
shkuar shërbimet zjarrfikëse
dhe forcat e Komisariatit nr. 4,
të cilët kanë nisur punën për
shuarjen e flakëve. Për rreth
një orë është dashur ndërhyrja
e dy makinave zjarrfikëse për
të shmangur flakët që kanë
rënë vetëm pak minuta, para
se të silleshin fëmijët e regjistruar
në këtë qendër. Pas
shuarjes së flakëve, grupi i
punës ka nisur hetimet për të
gjetur shkaqet e rënies së zjarrit.
Sipas policisë, dyshohet se
flakët janë shkaktuar nga një
shkëndijë elektrike.