“Zonë e Ndaluar” e Bushatit ndriçohet nga ekrani i Vizion PlusitNga TemaDokumentari për profilin politik të Edi Ramës do të shfaqet sot në Vizion Plus. Gazetari i njohur, Andi Bushati, ka përgatitur transmetimin për dy ditë rresht të dokumentarëve që

Nëse dëshironi të lexoni edicionin online të gazetës në PDF klikoni këtu.

Dokumentari për profilin politik të Edi Ramës do të shfaqet sot në Vizion Plus. Gazetari i njohur, Andi Bushati, ka përgatitur transmetimin për dy ditë rresht të dokumentarëve që u censuruan në TV Klan. I pari bën fjalë për profilin politik të Edi Ramës dhe i dyti për profilin politik të Sali Berishës.

Vetë Bushati ndjehet i qetë në vendimin e tij për t’u larguar nga TV Klan.

“Ishte një vendim i natyrshëm që ma diktuan me sjelljen ndaj profesionit tim”, - tha Bushati.

Dokumentari për Edi Ramën i bën një vështrim të thellë biografisë së tij politike, zigzageve të tij në jetën politike dhe konceptin e tij për të drejtuar një Parti të re Socialiste.

Ndërkohë, dokumentari për Berishën është i fokusuar te fakti që Berisha ka tradhtuar fitoren e vitit 2005. Bushati sjell një sërë faktesh publike që dëshmojnë një fitore të tradhtuar nga kryeministri i sotëm. Kundërthëniet e tij për korrupsionin, kthimi në klient të tij dhe familjes së tij të personazheve të korrupsionit qeveritar të Fatos Nanos, përfshirja e familjes së tij në historitë e bujshme të korrupsionit dhe përpjekjet për mbetur në pushtet përmes revanshit dhe keqpërdorimit të pushtetit janë disa nga linjat e këtij dokumentari që do të shfaqet ditën e enjte në Vizion Plus.

Andi Bushati, një nga gazetarët më të njohur shqiptarë, themelues i grupit “Klan”, u largua andej dy javë më parë, pasi pronari i këtij televizioni i censuroi transmetimin e dokumentarit për Edi Ramën dhe paralajmëroi dhe censurën për dokumentarin për Sali Berishën.

Pas kësaj Bushati dha dorëheqjen dhe tashmë është pjesë e një projekti televiziv në Vizion Plus.