Zyrtare: Gattuso vazhdon te Milani
Ekipi i Milanit ka pohuar se mesfushori Gennaro Gattuso ka nënshkruar marrëveshje të re me ekipin italian.
Mediat në Itali spekulonin se Gattuso nuk është i kënaqur me gjendjen e tij në Milan dhe me minutat e pakta që fiton në urdhrat e trajnerit të ri Leonardo, andaj edhe paralajmëronin se lojtari do të largohet nga San Siro që në janar.
Por lojtari ka treguar besimin e tij ndaj Milanit, duke nënshkruar marrëveshjen e re, sipas të cilës do të qëndrojë në klub deri në vitin 2012.
"Ekipi i Milanit bën të ditur se lojtari Gennaro Gattuso ka nënshkruar marrëveshje të re të vlefshme deri më 30 qershor 2012", thuhet në deklaratën zyrtare të Milanit.