Zyrtare, Lonçareviç trajneri i Tiranës
Ilia Lonçareviç është zyrtarisht trajner i Tiranës. Firma e tij e hedhur e zezë mbi të bardhë në një kontratë njëvjeçare, që do ta lidhë me bardheblutë për edicionin e ardhshëm, ka fshirë çdo pikëpyetje të deritanishme. Tekniku kroat, i cili ka një CV shumë të pasur si në drejtimin e disa klubeve të njohura të Kroacisë si Dinamo e Zagrebit, Rijeka, Osijeku etj., e ka bërë një gjë të tillë në ambientet e klubit pranë stadiumit "Selman Stërmasi".
Menjëherë pas firmosjes së kontratës është bërë prezantimi i tij. Njeriu i cili ka këmbëngulur fort për afrimin e këtij trajneri, kryedonatori Refik Halili, është shfaqur shumë euforik në konferencën e shtypit, kur ka theksuar se "atë që nuk e bëri dot FSHF-ja, e realizoi ai vetë së bashku me donatoren tjetër Ngjela". Numri një i klubit bardhelu i referohet faktit që Lonçareviç ishte mes kandidatëve për të marrë Kombëtaren shqiptare, pas largimit të Ari Han. Edhe vetë kroati nuk ka dashur të ndalet shumë në këtë aspekt, pasi ka preferuar të flasë më shumë për të tashmen: "Kam qenë kandidat për Kombëtaren tuaj, megjithatë jam shumë i kënaqur që jam trajneri i Tiranës. Kjo është një punë që do ta bëj me më shumë qejf dhe dëshirë".
Ashtu sikurse kishim paralajmëruar edhe më parë, Lonçareviç nuk është i panjohur për Halilin dhe këtë e kanë pohuar dje të dyja palët. "Kemi komunikuar edhe vitin e kaluar, por vetëm sot u bë e mundur që ai të pranojë të jetë trajneri i Tiranës", u shpreh Halili. Ndërsa tekniku kroat konfirmoi: "Kam pasur kontakte me zotin Halili që në verën e kaluar, por këtë herë e kisha detyrim moral të thoja ‘Po‘". Pikërisht një vit më parë Halili kishte bërë të ditur se dëshironte të merrte një trajner me mustaqe, i cili kishte drejtuar Libinë dhe që në ato momente punonte tek Osijeku, por i cili i kishte thënë se, "nuk mundem të braktis presidentin e Osijekut në një moment të vështirë, kur ai kërkohet nga Gjykata e Hagës". Ky njeri ishte pikërisht Lonçareviç, i cili më pas i kishte sugjeruar Blash Slishkoviçin, që drejtoi Tiranën në pjesën e parë të edicionit të kaluar.
Pasi ka gjetur një trajner, i cili, sipas mendimit të tij, është i denjë për ta udhëhequr Tiranën drejt sukseseve, "bosi" ka vënë theksin mbi ndërtimin e një skuadre të madhe, e cila mund të dhurojë surpriza edhe në arenën ndërkombëtare. "Ardhja e këtij trajneri është për të formuar një ekip, me të cilin të mund të përfaqësohemi në Champions League me dinjitet dhe për të kaluar më shumë se dy ture, siç kanë bërë deri tani skuadrat shqiptare, nënvizoi Halili. Brenda një jave do të kompletoj ekipin dhe do të nisim fazën përgatitore". Ndërsa 64-vjeçari kroat ka preferuar të jetë i përmbajtur. "Nuk dua të them fjalë të bukura se çfarë do të bëj unë, por shpresoj që në një moment të dy të jemi këtu së bashku me ju për të bërë bilancet e punës, por besoj se do të kem sukses, është shprehur Lonçareviç. Tiranën e njoh nga jashtë, e njoh klubin, ndërsa ekipin e njoh më shumë. Klubin do ta çoj më përpara dhe ju garantoj se loja do të jetë e bukur". Pas emërimit, sot pritet që Lonçareviç të veshë tutat bardheblu dhe të zbresë në stërvitje, ndërsa debutimin në një ndeshje zyrtare ai do ta bëjë në ndeshjet eliminatore të Champions League.
Skeda
Ilija Lonçareviç
Datëlindja 8 tetor 1944
Vendlindja Çajkovcim, Kroaci
Profesioni trajner
Klubi aktual Tirana
Skuadrat
1987-1988 Zagreb
1990-1993 Inker Zapresiç
1994 Marsonia
1994-1995 Zagreb
1995-1996 Slaven Belupo
1997 Orijent Rijeka
1997-1998 Hrvatski Dragovoljac
1999 Kroatia Zagreb
2000 Çakovec
2001-2002 Dinamo Zagreb
2003-2004 Libia
2004-2005 Dinamo Zagreb
2005-2006 Libia
2006-2009 Osijek
2009- KF Tirana
Menjëherë pas firmosjes së kontratës është bërë prezantimi i tij. Njeriu i cili ka këmbëngulur fort për afrimin e këtij trajneri, kryedonatori Refik Halili, është shfaqur shumë euforik në konferencën e shtypit, kur ka theksuar se "atë që nuk e bëri dot FSHF-ja, e realizoi ai vetë së bashku me donatoren tjetër Ngjela". Numri një i klubit bardhelu i referohet faktit që Lonçareviç ishte mes kandidatëve për të marrë Kombëtaren shqiptare, pas largimit të Ari Han. Edhe vetë kroati nuk ka dashur të ndalet shumë në këtë aspekt, pasi ka preferuar të flasë më shumë për të tashmen: "Kam qenë kandidat për Kombëtaren tuaj, megjithatë jam shumë i kënaqur që jam trajneri i Tiranës. Kjo është një punë që do ta bëj me më shumë qejf dhe dëshirë".
Ashtu sikurse kishim paralajmëruar edhe më parë, Lonçareviç nuk është i panjohur për Halilin dhe këtë e kanë pohuar dje të dyja palët. "Kemi komunikuar edhe vitin e kaluar, por vetëm sot u bë e mundur që ai të pranojë të jetë trajneri i Tiranës", u shpreh Halili. Ndërsa tekniku kroat konfirmoi: "Kam pasur kontakte me zotin Halili që në verën e kaluar, por këtë herë e kisha detyrim moral të thoja ‘Po‘". Pikërisht një vit më parë Halili kishte bërë të ditur se dëshironte të merrte një trajner me mustaqe, i cili kishte drejtuar Libinë dhe që në ato momente punonte tek Osijeku, por i cili i kishte thënë se, "nuk mundem të braktis presidentin e Osijekut në një moment të vështirë, kur ai kërkohet nga Gjykata e Hagës". Ky njeri ishte pikërisht Lonçareviç, i cili më pas i kishte sugjeruar Blash Slishkoviçin, që drejtoi Tiranën në pjesën e parë të edicionit të kaluar.
Pasi ka gjetur një trajner, i cili, sipas mendimit të tij, është i denjë për ta udhëhequr Tiranën drejt sukseseve, "bosi" ka vënë theksin mbi ndërtimin e një skuadre të madhe, e cila mund të dhurojë surpriza edhe në arenën ndërkombëtare. "Ardhja e këtij trajneri është për të formuar një ekip, me të cilin të mund të përfaqësohemi në Champions League me dinjitet dhe për të kaluar më shumë se dy ture, siç kanë bërë deri tani skuadrat shqiptare, nënvizoi Halili. Brenda një jave do të kompletoj ekipin dhe do të nisim fazën përgatitore". Ndërsa 64-vjeçari kroat ka preferuar të jetë i përmbajtur. "Nuk dua të them fjalë të bukura se çfarë do të bëj unë, por shpresoj që në një moment të dy të jemi këtu së bashku me ju për të bërë bilancet e punës, por besoj se do të kem sukses, është shprehur Lonçareviç. Tiranën e njoh nga jashtë, e njoh klubin, ndërsa ekipin e njoh më shumë. Klubin do ta çoj më përpara dhe ju garantoj se loja do të jetë e bukur". Pas emërimit, sot pritet që Lonçareviç të veshë tutat bardheblu dhe të zbresë në stërvitje, ndërsa debutimin në një ndeshje zyrtare ai do ta bëjë në ndeshjet eliminatore të Champions League.
Skeda
Ilija Lonçareviç
Datëlindja 8 tetor 1944
Vendlindja Çajkovcim, Kroaci
Profesioni trajner
Klubi aktual Tirana
Skuadrat
1987-1988 Zagreb
1990-1993 Inker Zapresiç
1994 Marsonia
1994-1995 Zagreb
1995-1996 Slaven Belupo
1997 Orijent Rijeka
1997-1998 Hrvatski Dragovoljac
1999 Kroatia Zagreb
2000 Çakovec
2001-2002 Dinamo Zagreb
2003-2004 Libia
2004-2005 Dinamo Zagreb
2005-2006 Libia
2006-2009 Osijek
2009- KF Tirana