Çeku: Anëtarësimi në NATO, rruga e sigurt për Kosovën

Prishtinë-Ish-kryeministri i Kosovës, Agim Çeku tha se anëtarësimi në NATO i Kosovës, është alternativa e vetme për të siguruar paqe afatgjatë. Ai ka kërkuar nga institucionet e Kosovës, që të dorëzojnë kërkesën për të qenë pjesë e partneritetit për paqe pasi kështu nis rrugëtimi i vendit për anëtarësim të plotë në këtë organizatë.

“Kosova si pjesë e NATO-s është orientim strategjik prandaj,gjitha partitë politike janë dhe dihet të jenë unike në këtë drejtim”, deklaroi Çeku në konferencën “Rruga drejt anëtarësimit në NATO” të mbajtur në Prishtinë.