Çelet faqja në internet, informacione nga Podgorica e Shkodra
10/03/2011 Informacione nga krijimtaria letrare muzikore, drama, filmi dhe arsimi në 2 gjuhët
SHKODER- Përfaqësues të Universitetit të Shkodrës dhe të shoqatave kulturore nga Shkodra dhe të një shoqate kulturore nga Podgorica e Malit të Zi kanë prezantuar hapjen e faqes së përbashkët zyrtare në internet të projektit “Dy gjuhë një libër”. Gjatë prezantimit të kësaj faqeje në internet, përfaqësuesit e Shkodrës dhe të Podgoricës sqaruan dhe qëllimin e organizimit të saj në veçanti dhe të projektit në përgjithësi. Nëpërmjet kësaj faqeje të përbashkët në internet synohet afrimi i dy popujve dhe njohja edhe më shumë prej tyre e kulturës shqiptare dhe malazeze. Projekti, i vlerësuar si mjaft i rëndësishëm në të dy anët e kufirit është i financuar nga Komuniteti Evropian me angazhimin kryesor të universitetit “Luigj Gurakuqi” të Shkodrës, organizatës kulturore në Mal të Zi dhe shoqatës kulturore “Camaj-Pipa” në Shkodër. Gjatë konferencës për shtyp, të organizuar në Universitetin e Shkodrës, përfaqësuesja e Malit të Zi, Maria Gjuriq, u shpreh se është e dobishme që dy popuj kaq afër njëri-tjetrit të shkëmbejnë informacione rreth zhvillimeve kulturore, letrare, apo me gjithë çfarë ndodh në vendet fqinje me njëra –tjetrën. “Besoj që ky projekt i përbashkët që kemi ndërmarrë, i shtrirë në dy anët e kufirit, ka për të qenë diçka interesante, por edhe më e rëndësishmja që do realizojmë. Ky projekt është paraqitur kaq mirë sa është cilësuar si një projekt i shkëlqyer prej njerëzve të njohur të të dy vendeve. Kam pasur kënaqësi që nëpërmjet këtij uebsajti kam arritur të njihem me zhvillimet e çmimet në letërsi në kinematografi, opera pjesë teatrore etj”, theksoi Gjuriq. Nga ana e tij përfaqësuesi i Shkodrës, pedagogu i letërsisë Hasan Leka, njëkohësisht dhe drejtues i shoqatës kulturore “Camaj-Pipa” ka theksuar se projekti synon të tregojë vlerat e secilit vend dhe të ballafaqojë arritjet më të mira. Në faqen e përbashkët të internetit, të Shkodrës dhe Podgoricës do të përfshihen informacione të reja nga krijimtaria letrare muzikore, drama, filmi dhe arsimi në gjuhën malazeze dhe shqipe. V. Abdyli
SHKODER- Përfaqësues të Universitetit të Shkodrës dhe të shoqatave kulturore nga Shkodra dhe të një shoqate kulturore nga Podgorica e Malit të Zi kanë prezantuar hapjen e faqes së përbashkët zyrtare në internet të projektit “Dy gjuhë një libër”. Gjatë prezantimit të kësaj faqeje në internet, përfaqësuesit e Shkodrës dhe të Podgoricës sqaruan dhe qëllimin e organizimit të saj në veçanti dhe të projektit në përgjithësi. Nëpërmjet kësaj faqeje të përbashkët në internet synohet afrimi i dy popujve dhe njohja edhe më shumë prej tyre e kulturës shqiptare dhe malazeze. Projekti, i vlerësuar si mjaft i rëndësishëm në të dy anët e kufirit është i financuar nga Komuniteti Evropian me angazhimin kryesor të universitetit “Luigj Gurakuqi” të Shkodrës, organizatës kulturore në Mal të Zi dhe shoqatës kulturore “Camaj-Pipa” në Shkodër. Gjatë konferencës për shtyp, të organizuar në Universitetin e Shkodrës, përfaqësuesja e Malit të Zi, Maria Gjuriq, u shpreh se është e dobishme që dy popuj kaq afër njëri-tjetrit të shkëmbejnë informacione rreth zhvillimeve kulturore, letrare, apo me gjithë çfarë ndodh në vendet fqinje me njëra –tjetrën. “Besoj që ky projekt i përbashkët që kemi ndërmarrë, i shtrirë në dy anët e kufirit, ka për të qenë diçka interesante, por edhe më e rëndësishmja që do realizojmë. Ky projekt është paraqitur kaq mirë sa është cilësuar si një projekt i shkëlqyer prej njerëzve të njohur të të dy vendeve. Kam pasur kënaqësi që nëpërmjet këtij uebsajti kam arritur të njihem me zhvillimet e çmimet në letërsi në kinematografi, opera pjesë teatrore etj”, theksoi Gjuriq. Nga ana e tij përfaqësuesi i Shkodrës, pedagogu i letërsisë Hasan Leka, njëkohësisht dhe drejtues i shoqatës kulturore “Camaj-Pipa” ka theksuar se projekti synon të tregojë vlerat e secilit vend dhe të ballafaqojë arritjet më të mira. Në faqen e përbashkët të internetit, të Shkodrës dhe Podgoricës do të përfshihen informacione të reja nga krijimtaria letrare muzikore, drama, filmi dhe arsimi në gjuhën malazeze dhe shqipe. V. Abdyli