Çelsi përgatit milionat për Çavi Hernandez

Çelsi ka ndërmend që të ofrojë diçka më shumë se 30 milionë euro (25 milionë paund) për mesfushorin e Barcelonës, Çavi Hernandez. Lajmin e ka bërë të ditur e përditshmja britanike, "Daily Mirror". Megjithatë, menaxheri i 28-vjeçarit ka hedhur poshtë zërat se lojtari i kombëtares spanjolle do të largohet nga "Kamp Nou" në verë. "Nuk kemi marrë asnjë ofertë nga Çelsi", tha menaxheri i Çavit, Ivan Korretja. "Në këto sezonet e fundit kanë qarkulluar shumë zëra merkatoje për lojtarin tim, por kjo është normale në futboll". Ndërkohë, nga Çelsi pritet të largohet Klaudio Pizarro, për të cilin interesohet Verder Bremen.