Çmimet, shporta e re fshehu rritjen
Qytetarët shqiptarë po paguajnë çmime më të larta nga ato që raportojnë zyrtarisht agjencitë qeveritare. Manovra me shportën e inflacionit, në fund të vitit të kaluar, kur në treg ishin shfaqur dukshëm sinjalet e para të rritjes së çmimit kanë manipuluar normën e inflacionit duke e zbritur atë më poshtë nga sa do ishte realisht. Banka e Shqipërisë thotë se nëse inflacioni do të ishte matur me shportën e mëparshme norma e tij do të ishte më e madhe se sa kjo që është aktualisht. "Mesatarja e ndryshimit ndërmjet matjeve për periudhën 2004-2007 është rreth 0.5 pikë përqindjeje , gjë që tregon se prezantimi i shportës së re e ka ulur inflacionin e kaluar mesatarisht me 0.5 pikë përqindjeje," thotë Banka e Shqipërisë. Kjo do të thotë se rritja e çmimeve që raportohet aktualisht është 0.5 pikë për qindje më e ulet nga sa ishte me shportën e parë. Vlerat e inflacionit bazë, atij të tregtueshëm dhe të patregtueshëm, të llogaritura mbi shportën e re paraqesin ndryshime sistematike, krahasuar me ato të prezantuara deri në muajin dhjetor 2007, kur në llogaritjen e inflacionit përdorej shporta e ndërtuar në dhjetor të vitit 2001.
Ndryshimi
Në fakt, norma prej 0.5 pikë për qindje është mesatarja. Ndryshimi mes dy shportave varion dhe nuk është i njëtrajtshëm për shkak se jo gjithmonë inflacioni vjen nga një grup i caktuar ushqimesh. Në peirudha të caktuara ndryshimi është edhe më i madh. Për shembull në fundit e vitit të kaluar nëse INSTAT do të kishte përdorur shportën e re të çmimeve për të matur inflacionin atëherë ai nga 3.8 që ishte do të dilte më i vogël se 3 për qind. Me këtë tendencë aktualisht norma e inflacionit do të ishte gati 5.3 për qind, norma rekord në 10 vitet e fundit.
Shporta
Shporta e re, që shërben për matjen e inflacionit ka pësuar ndryshime të rëndësishme krahasuar me atë të mëparshmen. Pesha e ushqimeve, por edhe ajo e energjisë, si dy nga zërat me rritjen më të lartë të çmimeve janë ulur ndjeshëm në shportën e re, që Instituti i Statistikave po e përdor që nga fillimi i këtij viti. Ekspertët e argumentuan këtë me faktin s e struktura e konsumit të familjeve shqiptare ka ndryshuar për shkak të rritjes së mirëqenies. Insitituti i Statistikave ul me plot 8.2 për qindje peshën e energjisë në konsumin e familjeve shqiptare për efekt të llogaritjes së inflacionit. Pesha e grupit "Qera, lëndë djegëse dhe energji" ra në 16.2 për qind nga 24.4 që ishte në shportën e vjetës. Kjo në një kohë kur çmimet e naftës, dhe ato të energjisë elektrike kanë shënuar një rritje të fortë, të paparë ndonjëherë më parë. Ndërsa për ushqimet që përbëjnë dhe zërin kryesor të shpenzimeve, pesha në inflacion u ul nga 42,6 në 39 përqind, gjë që do të thotë se luhatjet që do të pësojnë çmimet e ushqimeve do të reflektohen më pak në normën e inflacionit. Efekti i lidhjes së dy shportave pritet të shuhet një vit pas vendosjes së shportës së re ose në muajin dhjetor të vitit 2008.
Ndryshimi
Në fakt, norma prej 0.5 pikë për qindje është mesatarja. Ndryshimi mes dy shportave varion dhe nuk është i njëtrajtshëm për shkak se jo gjithmonë inflacioni vjen nga një grup i caktuar ushqimesh. Në peirudha të caktuara ndryshimi është edhe më i madh. Për shembull në fundit e vitit të kaluar nëse INSTAT do të kishte përdorur shportën e re të çmimeve për të matur inflacionin atëherë ai nga 3.8 që ishte do të dilte më i vogël se 3 për qind. Me këtë tendencë aktualisht norma e inflacionit do të ishte gati 5.3 për qind, norma rekord në 10 vitet e fundit.
Shporta
Shporta e re, që shërben për matjen e inflacionit ka pësuar ndryshime të rëndësishme krahasuar me atë të mëparshmen. Pesha e ushqimeve, por edhe ajo e energjisë, si dy nga zërat me rritjen më të lartë të çmimeve janë ulur ndjeshëm në shportën e re, që Instituti i Statistikave po e përdor që nga fillimi i këtij viti. Ekspertët e argumentuan këtë me faktin s e struktura e konsumit të familjeve shqiptare ka ndryshuar për shkak të rritjes së mirëqenies. Insitituti i Statistikave ul me plot 8.2 për qindje peshën e energjisë në konsumin e familjeve shqiptare për efekt të llogaritjes së inflacionit. Pesha e grupit "Qera, lëndë djegëse dhe energji" ra në 16.2 për qind nga 24.4 që ishte në shportën e vjetës. Kjo në një kohë kur çmimet e naftës, dhe ato të energjisë elektrike kanë shënuar një rritje të fortë, të paparë ndonjëherë më parë. Ndërsa për ushqimet që përbëjnë dhe zërin kryesor të shpenzimeve, pesha në inflacion u ul nga 42,6 në 39 përqind, gjë që do të thotë se luhatjet që do të pësojnë çmimet e ushqimeve do të reflektohen më pak në normën e inflacionit. Efekti i lidhjes së dy shportave pritet të shuhet një vit pas vendosjes së shportës së re ose në muajin dhjetor të vitit 2008.