Çmimi i naftës ngrihet mbi 36 dollarë për fuçi
Çmimi i naftës u rrit mbi 36 dollarë fuçi gjatë ditës së djeshme, teksa Emiratet e Bashkuara Arabe iu bashkuan Arabisë Saudite në masën për pakësimin drastik të prodhimit, masë e miratuar javën e shkuar gjatë takimit të vendeve të OPEC-ut. Çmimi i një fuçie nafte u rrit me 71 cent dje në Shtetet e Bashkuara të Amerikës, duke arritur kuotën 36.06 dollarë. I njëjti trend u vërejt edhe në Londër, ku rritja ishte me 64 cent, duke shkuar në 37.25 dollarë për fuçi.
"Lajmi i vetëm i mirë vlen për Emiratet e Bashkuara Arabe", shkruante në një raport Oliver Xhekob i kompanisë "Petromatrix". "Tani për tani Arabia Saudite dhe Emiratet e Bashkuara Arabe po korrin frytet e pakësimit të prodhimit". Shoqëria "Abu Dhabi National Oil Co" (ADNOC), prodhuesi kryesor në Emiratet e Bashkuara Arabe, njëherësh eksportuesi i pestë në rang botëror, do të vazhdonte edhe më tej me pakësimin e prodhimit.
Një burim pranë një rafinerie aziatike vërejti se pakësimet e ADNOC do të jenë më të mëdha nga ç‘pritej. "ADNOC kishte përcaktuar destinacionin e të gjitha volumeve për janarin, por më pas i rishikuan dhe kjo ndikon drejtpërdrejt në planifikimet tona", tha burimi. "Për shkurtin zvogëlimi i volumeve do të jetë shumë i madh, kështu që jemi të detyruar të rishikojmë transportin e ngarkesave detare".
Gjendja e tanishme reflekton vendimin e marrë para një jave nga ana e Organizatës së Vendeve Eksportuese të Naftës (OPEC) për të pakësuar sasinë e prodhimit me 2.2 milionë fuçi në ditë. Arabia Saudite i kishte njoftuar klientet e veta për mundësinë e pakësimit të volumeve edhe përpara se vendimi të merrej bashkërisht nga OPEC.
Masa e ndërmarrë këto ditë nga ana e OPEC-ut është e paprecedentë, teksa grupi përpiqet të ngrejë çmimin që është ulur me 110 dollarë, që nga korriku i këtij viti, kur një fuçi naftë kushtonte 147 dollarë për fuçi.
Tregjet e naftës ishin të mbyllura gjatë ditës së mërkurë, me rastin e festës së Krishtlindjeve. Të enjten, tregu amerikan u zgjua me çmim 3 dollarë më të ulët. Të dhënat negative ekonomike, përfshi rritjen e numrit të të papunëve, në Shtetet e Bashkuara të Amerikës (konsumatori më i madh i naftës në rang global) janë më të lartat në 26 vitet e fundit, gjë që ka sjellë uljen e shpenzimeve të konsumatorëve për të pestin muaj radhazi. Të gjitha këto kanë shkaktuar ulje të ndjeshme të kërkesës për arin e zi nga i gjithë konsumatori amerikan.
Ekonomitë aziatike, dikur të konsideruara si garante të mbajtjes në nivele të qëndrueshme të kërkesës për naftë, edhe në rast se kjo do të binte në Shtetet e Bashkuara të Amerikës, nuk kanë rezultuar të tilla dhe po nisin të shfaqin ulje të ndjeshme të kërkesës. Edhe Japonia, e treta ndër konsumatorët e naftës në rang global pas Shteteve të Bashkuara dhe Kinës, mendohet se do ta ulë me 5 për qind kërkesën për arin e zi, duke nisur nga prilli i ardhshëm - duke qenë se edhe ky vend po përjeton efektet e krizës ekonomike globale e po zhytet në recesion. Sipas disa institucioneve të specializuara, mësohet se Japonia deri marsin që vjen do ta ulë kërkesën totale për naftë me 5.7 për qind.
"Lajmi i vetëm i mirë vlen për Emiratet e Bashkuara Arabe", shkruante në një raport Oliver Xhekob i kompanisë "Petromatrix". "Tani për tani Arabia Saudite dhe Emiratet e Bashkuara Arabe po korrin frytet e pakësimit të prodhimit". Shoqëria "Abu Dhabi National Oil Co" (ADNOC), prodhuesi kryesor në Emiratet e Bashkuara Arabe, njëherësh eksportuesi i pestë në rang botëror, do të vazhdonte edhe më tej me pakësimin e prodhimit.
Një burim pranë një rafinerie aziatike vërejti se pakësimet e ADNOC do të jenë më të mëdha nga ç‘pritej. "ADNOC kishte përcaktuar destinacionin e të gjitha volumeve për janarin, por më pas i rishikuan dhe kjo ndikon drejtpërdrejt në planifikimet tona", tha burimi. "Për shkurtin zvogëlimi i volumeve do të jetë shumë i madh, kështu që jemi të detyruar të rishikojmë transportin e ngarkesave detare".
Gjendja e tanishme reflekton vendimin e marrë para një jave nga ana e Organizatës së Vendeve Eksportuese të Naftës (OPEC) për të pakësuar sasinë e prodhimit me 2.2 milionë fuçi në ditë. Arabia Saudite i kishte njoftuar klientet e veta për mundësinë e pakësimit të volumeve edhe përpara se vendimi të merrej bashkërisht nga OPEC.
Masa e ndërmarrë këto ditë nga ana e OPEC-ut është e paprecedentë, teksa grupi përpiqet të ngrejë çmimin që është ulur me 110 dollarë, që nga korriku i këtij viti, kur një fuçi naftë kushtonte 147 dollarë për fuçi.
Tregjet e naftës ishin të mbyllura gjatë ditës së mërkurë, me rastin e festës së Krishtlindjeve. Të enjten, tregu amerikan u zgjua me çmim 3 dollarë më të ulët. Të dhënat negative ekonomike, përfshi rritjen e numrit të të papunëve, në Shtetet e Bashkuara të Amerikës (konsumatori më i madh i naftës në rang global) janë më të lartat në 26 vitet e fundit, gjë që ka sjellë uljen e shpenzimeve të konsumatorëve për të pestin muaj radhazi. Të gjitha këto kanë shkaktuar ulje të ndjeshme të kërkesës për arin e zi nga i gjithë konsumatori amerikan.
Ekonomitë aziatike, dikur të konsideruara si garante të mbajtjes në nivele të qëndrueshme të kërkesës për naftë, edhe në rast se kjo do të binte në Shtetet e Bashkuara të Amerikës, nuk kanë rezultuar të tilla dhe po nisin të shfaqin ulje të ndjeshme të kërkesës. Edhe Japonia, e treta ndër konsumatorët e naftës në rang global pas Shteteve të Bashkuara dhe Kinës, mendohet se do ta ulë me 5 për qind kërkesën për arin e zi, duke nisur nga prilli i ardhshëm - duke qenë se edhe ky vend po përjeton efektet e krizës ekonomike globale e po zhytet në recesion. Sipas disa institucioneve të specializuara, mësohet se Japonia deri marsin që vjen do ta ulë kërkesën totale për naftë me 5.7 për qind.