Bush në Kosovë? "No comment"

Nënsekretari amerikan i Shtetit nuk e konfirmoi vizitën e Presidentit amerikan, Xhorxh Bush, në Kosovë, "Presidenti nuk ka plane për të vizituar Kosovën pas Samitit të NATO-s. E kam dëgjuar këtë histori, por nuk kemi plane. Por unë kam folur me Presidentin dhe sekretaren Rice dhe përkushtimi i qeverisë sonë ndaj Kosovës është shumë i madh dhe nuk do të bëj ndonjë parashikim për vizitat në të ardhme". Ditë më parë, burime pranë Kryeministrit të Kosovës thanë se është e mundur një vizitë e Bushit pas Samitit të Bukureshtit. Edhe mediat kroate botuan një lajm të tillë.