Itali, inflacioni më i lartë në një dekadë

Rritja e çmimeve të energjisë dhe ushqimeve e çuan inflacionin në Itali në shifrën më të lartë të këtij dhjetëvjeçari në muajin janar, duke e bërë rënien e fuqisë konsumatore çështje qendrore të zgjedhjeve, që pritet të mbahen në prill. Çmimet italiane të konsumit, të harmonizuara me BE-në, u rritën me 3,1% vitin e kaluar, tha agjencia italiane e statistikave ISTAT, shifra më e lartë qysh prej kohës së krijimit të indeksit në vitin 1997. Ndërsa Napolitano pritet të shpallë zgjedhjet në prill, rritja e çmimeve mund t‘i tundojë politikanët të premtojnë rritje pagash ose ulje taksash, diçka prej së cilës ekonomistët tremben se mund të nxisë inflacionin në të gjithë zonën euro.