Kolonjë, protestë kundër sistemit gjyqësor

Banorë të Kolonjës i janë bashkuar një proteste kundër sistemit gjyqësor. Të paktën pesë familje pretendojnë se të afërmit e tyre janë dënuar padrejtësisht për një ngjarje të vitit 1997. Të afërm të të dënuarve për vrasjen e komisionerëve të PS-së dhe PSD-së, Nako Skupra dhe Ilirjan Arapi, kanë dalë në sheshin ku 11 vjet më parë është kryer krimi, në ditën e dorëzimit të kutive të votimit. Ata kanë kërkuar që nëpërmjet instancave shtetërore të rihapet çështja hetimore nga e para për këtë ngjarje të bujshme, që pati 12 të arrestuar dhe më pas pesë të dënuar, midis të cilëve tre efektiva të policisë dhe dy civilë.