LSI, koktej me gazetarët

Lëvizja Socialiste për Integrim organizoi dje në mbrëmje një pritje për gazetarët me rastin e festave të fundvitit. Drejtuesit e kësaj partie shfrytëzuan momentin të shkëmbejnë mes vetes, por dhe me drejtuesit e mediave të ndryshme urimet e Vitit të Ri. I pranishëm me përshëndetjen e tij ishte kryetari i Lëvizjes Socialiste për Integrim, Ilir Meta. Ai shprehu bindjen se vitin e ardhshëm kjo parti do jetë edhe më afër qytetarëve dhe interesave të tyre. Duke falënderuar edhe median për mbulimin e aktiviteteve të saj në vitin 2007.