LZHK: Na pyesni edhe ne për Kodin Elektoral

Lëvizja për Zhvillim Kombëtar kërkoi dje përfshirjen e të gjitha partive politike në diskutimin për reformën zgjedhore, madje edhe ato parti të cilat nuk janë pjesë e Kuvendit. Sekretarja e përgjithshme e LZHK-së, Afërdita Zëre, ka kërkuar eliminimin e sistemit të Dushkut dhe i ka sugjeruar qeverisë që të parën reformë të cilën ajo duhet ta konkretizojë është ndërtimi i kodit të ri elektoral. Sipas saj, "sistemi proporcional elektoral, si edhe aplikimi i sistemit elektronik i numërimit të votave është varianti që sugjeron si më të mirë Lëvizja për Zhvillim Kombëtar".