Madhi: "Reforma, jo pronë e PD-PS"

Duke u ndalur te çështja e sistemit zgjedhor, kreu i grupit kuvendor të PR-së, Arjan Madhi, u shpreh se "republikanët nuk shkelin parimet dhe kërkesat e saj dhe qëndron e vendosur deri në fund për të respektuar të drejtën e konkurrimit për çdo kandidat që do të marrë pjesë në votim". Për sa i përket çështjes së vetos në komision, Madhi u shpreh se "çështja e vetos është një çështje procedurale teknike dhe ajo nuk funksionon në Komisionin e Reformës Zgjedhore". Sipas Madhit, nëse dy partitë e mëdha do të marrin nismën e tyre për të ndryshuar sistemin, më parë duhet të ulen e të bashkëbisedojnë me të gjithë aktorët politikë, pasi sipas tij sistemi ka të bëjë me rregullat e lojës, dhe rregullat e lojës nuk vendosen vetëm nga dy parti të vetme. "Nëse ne do ta gjejmë veten të përjashtuar nga ky proces, ne do të ndjekim rrugën tonë kushtetuese", tha ai.