Ndërtimet në bregdet nuk njohin ndalje

Në bregdetin e Qarkut të Durrësit, ndër vite, mungesa e forcës së shtetit, babëzia për një vilë a ndërtim në plazh dhe lëvizja e lirë demografike, kanë sjellë një fluks të madh ndërtimesh të paligjshme, me ose pa leje nga strukturat përkatëse vendore. Ato janë ende në pikëpyetje për fatin e tyre, pavarësisht emrave që i zotërojnë ndërtimet. Bashkë me to dhe fshatrat turistike që kanë abuzuar me kontratat e nënshkruara mes subjekteve investuese dhe shtetit. Viti 2008 pret t‘u japë përgjigje dilemave të shumë pronarëve ndërtimesh të paligjshme në bregdet, ndërsa të tjerë vazhdojnë të ndërtojnë qetësisht.