Ndoka: Eshte nje farse me njerez te paguar

Partia Demokristiane, me ane te nje deklarate per shtyp, e konsideroi dje si nje farse teatrale Kongresin e Jashtezakonshem te mbajtur nga kundershtaret e Ndokes, ku dhe Anton Gurakuqi u shpall kryetar. Nga ana tjeter, sipas PDK-se, ne kete kongres, ndonese u raportua per pjesemarrjen e me shume se 300 delegateve, realisht vetem 17 prej tyre ishin te vertete. Sipas Nard Ndokes, pjesa tjeter e salles ishte e perbere me njerez te cilet ishin te paguar per te qene aty. "I ashtuquajturi Kongres i PDK ishte konkluzioni i asaj farse teatrale. Prova me e mire per te gjithe kete eshte fakti se ne kete te ashtuquajturin kongres farse merrnin pjese vetem 17 delegate. Pjesa tjeter e salles ishin disa njerez te punesuar per 2 ore dhe te paguar per kete angazhim", deklaron Ndoka, ne nje njoftim per shtyp. Por, PDK, u ben thirrje edhe kundershtareve te kryetarit te kesaj partie, Ndokes, te mos vazhdojne me te keqperdoren nga forcat e tjera politike.

"Ftojme z. Gurakuqi, dhe disa individe te tjere rreth tij te ulen me kembe ne toke e te mos vijojne me tej te keqperdoren", theksohet ne deklaraten per shtyp. Po ashtu theksohet se Partia Demokristiane jo vetem eshte nje faktor real ne jeten politike te vendit, por edhe nje nga forcat kryesore ne perkrahjen e reformave te thella te kerkuara nga BE.

F.Mejdini