U modernizuan zyrat e pasaportave

Projekti i PNUD-it, "Mbështetje e reformave në sektorin e sigurisë" ka rreth 3 vjet e gjysmë që është fokusuar në implementimin e filozofisë së policimit në komunitet në 10 zona pilot në Shqipëri. Sipas zotit Korkuti, ky projekt është shtrirë në dhjetë qendra: Sarandë, Vlorë, Tiranë, Kamëz, Lezhë, Laç, Shkodër, Pukë, Kukës dhe Tropojë. Fillimisht, në kuadër të këtij projekti, është financuar ngritja dhe modernizimi i qendrave të pritjes së publikut dhe plotësimit të dokumentacionit për pajisjen me pasaporta të qytetarëve në disa komisariate të vendit dhe më pas është vijuar me qendrat e policimit në komunitet.