11 shtatori për shqiptarët, ish-ambasadori Tarifa: Si e përjetuam tragjedinë

Tetë vjet me parë, ndërsa Amerika u trondit fort nga sulmi terrorist i 11 shtatorit, bota përjetoi ndryshim ende më të fortë. Plot 8 vjet më parë, Fatos Tarifa përfaqësonte Shqipërinë në një nga vendet padyshim më të rëndësishme në botë, në Shtetet e Bashkuara të Amerikës. Përjetimi i parë pas këtij sulmi jo vetëm për ambasadën tonë në SHBA e cila ndodhej vetëm 1 km larg Pentagonit, por edhe reagimi i administratës amerikanë vjen në një rrëfim të ish-ambasadorit tonë në SHBA, Fatos Tarifa.
Sipas diplomatit Tarifa sulmi i 11 shtatorit ishte kurora e përplasjes së dy qytetërimeve. Atij progresiv dhe atij regresiv. Ndërkaq, z.Tarifa shpjegon sesi bota ndryshoi tërësisht si rezultat i këtij sulmi, u rrit siguria mes shteteve dhe bashkëpunimi mes tyre pa dyshim ndryshoi dukshëm.
Reagimi i qeverisë shqiptare asokohe pro politikave amerikanë u prit mjaft mirë nga politika, por edhe qytetarët amerikanë që në shumë raste kanë shprehur mirnjohje përmes një numri të pafund letrash të dërguara në ambasadë.