AK në Vlorë, Spahiu: Qeveria kundër bashkimit e integrimit

Kreshnik Spahiu

Një tubim i Aleancës Kuq e Zi, i mbajtur sot në Pallatin e Sportit në Vlorë, është kthyer në një protestë antiqeveritare, ku nuk kanë munguar parullat kundër kryeministrit Berisha.

Gjatë fjalës së tij, kreu i AK, Kreshnik Spahiu, u shpreh para përkrahësve të forcës më të re politike se qeveria e Berishës është kundër bashkimit dhe integrimit.

Vlora, destinacion i ri në Mesdhe ka nevojë për vepra e jo për fjalë. Qeveria po punon me fjalë dhe vepra kundër bashkimit. 100 vjet pas Pavarësisë nuk ka asnjë ministër nga Vlora, pasi kjo qeveri është kundër bashkimit dhe integrimit. PD dhe PS e ndanë jug-veri në kuq dhe blu, por prioritet i AK mbetet ndryshimi i regjimit politik, tha Spahiu.

Në tubimit e sotëm të AK ishin rreth 2 mijë të pranishëm. Një nga parullat në duart e tyre ishte O Sali, o tradhtar, ti je serb, por jo shqiptar. / G.N.