Administrata gjyqesore, PS bojkoton komisionin Rozeta Rapushi
Deputetet e Partise Socialiste, bojkotuan dje mbledhjen e Komisionit te Ligjeve, duke mos pranuar shqyrtimin e projektligjit per Administraten Gjyqesore. Duke i quajtur te paligjshme ndryshimet e bera, nenkryetari i Komisionit te Ligjeve, Fatmir Xhafaj, akuzoi se nisma i jep super kompetenca Ministrit te Drejtesise dhe gjykatat jane peng e kancelareve seksere te gjyqtareve. “Ky projektligj eshte i paligjshem. Thjesht per te hapur disa vende te reja pune ne gjyqesor, per klientet e pushtetit tuaj politik. Po prisni te beni pazarin politik te radhes, me dekretin ne radhe dhe per te vazhduar me pazaret e tjera per emerimet e pritshme ne gjyqesor, qe kane marre dhene. Nuk do te jemi pjese e ketij debati per administraten dhe sekretaret e gjyqesorit”, - tha Xhafaj duke u larguar nga mbledhja bashke me deputetet e tjere socialiste te komisionit. Por sipas Ministrit te Drejtesise, Eduard Halimi, projektligji eshte hartuar sipas standardeve nderkombetare dhe eshte PS ajo qe ne tete vite qeverisese politizoi gjyqesorin. “Per tete vjet, socialistet emeruan anetare te Gjykates se Larte, deputetet qe ishin anetare te Komisionit te Ligjeve, emeruan kryetar te Gjykates se Larte, ish ministrin e Drejtesise, ministrin e bene kryetar te Gjykates se Larte dhe Kryetarin e Komisionit te Ligjeve e bene Kryetar te Gjykates Kushtetuese. Zevendesministrin e vet, e beri Kryetar te Gjykates se Tiranes, nje person me precedent penal, e beri nenkryetare te Gjykates se Tiranes, kusherinjte e vet i mori dhe i coi ne Gjykaten e Larte”, - replikoi Halimi. Sipas tij, ndonese nisma ligjore, vjen me mbeshtetjen e BE-se, serish socialistet nuk pranuan te votojne. “Ekspertet e BE ne komision, deklaruan se projektligji eshte me standardet me te mira te BE-se, dhe se miratimi i tij eshte rendesishem per reformen e sistemit te drejtesise. Por opozita ne menyre brutale, i tha jo BE-se ne komision, duke u perpjekur te ngreje mure bllokimi per reformat. Ata bojkotuan seancen duke bojkotuar detyrimin qe kane ndaj votuesve te tyre”, - vijoi Halimi. Projektligji, qe gjeti edhe mbeshtetjen e perfaqesuesit te EURALIUS ne komision, Joaquin Urias, u votua dje ne parim vetem nga deputetet e mazhorances.