Adoleshentët vjedhin një dyqan në Durrës

Durrës, 4 shkurt, NOA - Për shkak të moshës policia
e Durrësit ka filluar procedimin penal në gjendje të lirë ndaj dy adoleshentëve
autorë të një vjedhje në bashkëpunim.

Sipas policisë së këtij rrethi të dyshuarit me
iniciale T.P 17 vjeç, R.L 16 vjeç dhe M.D 23 vjeç me datë 13.01.2010, në bashkëpunim
me njëri-tjetrin kanë vjedhur një dyqan-kioskë në të cilin kanë marrë karta telefoni,
cigare dhe bizhuteri të ndryshme.

Gjatë kontrollit të ushtruar nga policia e
Durrësit në banesën e njërit prej të dyshuarve janë gjetur dhe sekuestruar një
pjesë e materialeve të vjedhura në dyqanin-kioskë.

Materialet për veprën penale të vjedhjes së
kryer në bashkëpunim iu kaluan për ndjekje Prokurorisë së Rrethit Durrës.