Aguirre vazhdon në Zaragoza
Nga Express më 29 maj 2011 në ora 17:10
Javier Aguirre ka nënshkruar kontratë të re njëvjeçare në postin e trajnerit të Real Zaragozës pas sigurimit të mbijetesës në La Liga në një edicion të vështirë.
Klubi spanjoll ka njoftuar të dielën se Aguirre ka vazhduar kontratën e tij deri më 2012 me mundësi të vazhdimit për një vit tjetër.
Aguirre ishte emëruar në detyrë në nëntor 2010 dhe në edicionin e fundit udhëhoqi skuadrën drejt mbijetesës duke mposhtur Levanten 2-1 në xhiron e fundit. Zaragoza përfundoi sezonin me bilanc prej 11 fitoresh, pesë barazimeve dhe 11 humbjeve në 27 ndeshje nën drejtimin e Aguirres.