Arrest me burg, për organizatorët e tragjedisë së Butrintit

Gjashte personat e akuzuar per trafikun Sarandë, 25 Tetor, 12:52, NOA - Kanë ngelur në burg dy personat e arrestuar pak ditë më parë nga policia, në lidhje me tragjendinë e Butrintit. Ka qenë Gjykata e Sarandës që ka dhënë pak më parë, masën e sigurisë arrest me burg, për Dashamir Mane dhe Hyqmet Sollaku. Këta akuzohen për dhënie ndihmë në kalimin e paligjshëm të kufirit me pasojë vdekjen e më shumë se dy personave. Më fjalën e tyre, të akuzuarit kanë pranuar akuzën. Prokuroria tha se, të arrestuarit janë pjesë e grupit drejtues të varkës me 24 persona e cila tentoi të kalonte ilegalisht për në Greqi por u përmbys në kanalin e liqenit të Butrintit, Sarandë, duke sjellë edhe vdekjen e pesë personave. Dy personat e tjerë të grupit drejtues, Brahim Madhi dhe Albert Gega janë ende në kërkim. c.a/NOA